аэрофото барлау

(Аэрофоторазведка)

әуеден суретке түсіру арқылы қарсылас туралы дәл мәлімет алу. Оған арнаулы аэрофотоаппараттармен жабдықталған ұшақтар мен ғарыштық барлау аппараттары пайдаланылады. А.б. — әуе барлау тәсілдерінің ішіндегі ең тиімдісінің бірі. Ол жоғарыдан қарсыластың тұрған жерін, атыс позициясын, техникасын, объектілерін, құрылыс жабдықтарын автоматты түрде суретке түсіреді де, оны дереу жер бетіндегі барлау пункттеріне хабарлайды. Әскери бөлім командирі қарсылас жөніндегі бұл жаңа мәліметті тексеріп, ұрыс жүргізгенде пайдаланады. Соңғы жылдары А.б. аппараттары жетілдіріліп, радиолокациялық шолу, лазерлік, телевизиялық жүйелер басты құралға айналды.